പണ്ടു നടന്ന ഒരു കഥയാണിത്. ഒരു ഗ്രാമത്തിൽ ഒരു പണക്കാരനും അയാളുടെ ഭാര്യയുമുണ്ടായിരുന്നു. അവർക്ക് പണമുണ്ട്, വീടുണ്ട്, ജോലിയുണ്ട്, പക്ഷേ അവർക്ക് കുട്ടികളില്ലായിരുന്നു. അമ്പലങ്ങളിൽ പൂജകൾ നടത്തി, ഗുളികകൾ കഴിച്ചു, എന്നിട്ടും കുഞ്ഞിക്കാലുകൾ കാണാൻ അവർക്കു കഴിഞ്ഞില്ല.
ഒരു ദിവസം രാത്രി അവർ ഒരു അശരീരി കേട്ടു : “നിങ്ങൾ ഒന്നിച്ച് കിടക്കൂ, വഴക്കു കൂടാതെ ജീവിക്കൂ".
അന്നു മുതൽ അവർ അങ്ങനെ ജീവിച്ചു. ഒരു ദിവസം അപ്രതീക്ഷിതമായി ഭാര്യ ഭർത്താവിനോട് പറഞ്ഞു: “ഒരു സന്തോഷകരമായ കാര്യമാണ് ഞാൻ പറയാൻ പോകുന്നത്. ഞാൻ ഗർഭിണിയാണ്.”
അതു കേട്ടപ്പോൾ ഭർത്താവിന് സന്തോഷമായി. കണ്ണടച്ച് തുറക്കും മുമ്പേ പത്തു മാസം കഴിഞ്ഞു. ആ സ്ത്രീ ഒരു കുട്ടിയെ പ്രസവിച്ചു. ഒരു വെളുത്ത പെൺകുഞ്ഞ്. കുട്ടിയെ കാണാൻ അയൽക്കാരും ബന്ധുക്കളുമെല്ലാം വന്നു.
ഭാര്യയും ഭർത്താവും കൂടി പറഞ്ഞു: "ഈ പെൺകുട്ടിയെ കിട്ടാൻ കാരണം ഒരു അശരീരിയാണ് “.
ഇതു കേട്ട് വന്നവരെല്ലാവരും കൂടി ചിരിച്ചു. ഒരാൾ പറഞ്ഞു: “ നിങ്ങൾ കേട്ടത് അശരീരിയല്ല. അന്നു രാത്രി ഞങ്ങൾ ടീവി മേടിച്ചെന്ന് അറിയിക്കാൻ പുരാണസീരിയൽ ശബ്ദം കൂട്ടി വച്ചതാ".
ഒരു ദിവസം രാത്രി അവർ ഒരു അശരീരി കേട്ടു : “നിങ്ങൾ ഒന്നിച്ച് കിടക്കൂ, വഴക്കു കൂടാതെ ജീവിക്കൂ".
അന്നു മുതൽ അവർ അങ്ങനെ ജീവിച്ചു. ഒരു ദിവസം അപ്രതീക്ഷിതമായി ഭാര്യ ഭർത്താവിനോട് പറഞ്ഞു: “ഒരു സന്തോഷകരമായ കാര്യമാണ് ഞാൻ പറയാൻ പോകുന്നത്. ഞാൻ ഗർഭിണിയാണ്.”
അതു കേട്ടപ്പോൾ ഭർത്താവിന് സന്തോഷമായി. കണ്ണടച്ച് തുറക്കും മുമ്പേ പത്തു മാസം കഴിഞ്ഞു. ആ സ്ത്രീ ഒരു കുട്ടിയെ പ്രസവിച്ചു. ഒരു വെളുത്ത പെൺകുഞ്ഞ്. കുട്ടിയെ കാണാൻ അയൽക്കാരും ബന്ധുക്കളുമെല്ലാം വന്നു.
ഭാര്യയും ഭർത്താവും കൂടി പറഞ്ഞു: "ഈ പെൺകുട്ടിയെ കിട്ടാൻ കാരണം ഒരു അശരീരിയാണ് “.
ഇതു കേട്ട് വന്നവരെല്ലാവരും കൂടി ചിരിച്ചു. ഒരാൾ പറഞ്ഞു: “ നിങ്ങൾ കേട്ടത് അശരീരിയല്ല. അന്നു രാത്രി ഞങ്ങൾ ടീവി മേടിച്ചെന്ന് അറിയിക്കാൻ പുരാണസീരിയൽ ശബ്ദം കൂട്ടി വച്ചതാ".