ലാഭമോ നഷ്ടമോ?

അച്ഛന്‍ എന്നെ എപ്പോഴും പട്ടീ എന്നു വിളിക്കും. പ്രത്യേകിച്ച് കണക്കു പഠിപ്പിക്കുമ്പോള്‍. എല്ലാ ദിവസവും വൈകുന്നേരം കണക്കു പഠിപ്പിക്കുകയാണ് അച്ഛന്റെ പരിപാടി. ഇന്നലെ പഠിപ്പിച്ച കണക്ക് നോക്കണേ: അനുവും ബിനുവും മാങ്ങ വിറ്റതാണ് കണക്ക്. അനു 3 മാങ്ങ 10 രൂപയ്ക്കു വില്‍ക്കും. ബിനു 2 മാങ്ങ 10 രൂപയ്ക്കു വില്‍ക്കും. ഒരിക്കല്‍ അനുവിനു പനി പിടിച്ചപ്പോള്‍ ബിനു അനുവിന്റേയും മാങ്ങ കൂടി എടുത്ത് 20 രൂപയ്ക്ക് 5 വച്ചു വിറ്റു. അപ്പോള്‍ ലാഭമോ നഷ്ടമോ?

ഞാന്‍ പറഞ്ഞു: ‘ആ‘

അതു കേട്ടതും അച്ഛന്‍ എന്നെ അടിച്ചു. പട്ടീ അന്നും വിളിച്ചു.

അപ്പോള്‍ ഞാന്‍ മനസ്സില്‍ പറഞ്ഞു: ലാഭമോ നഷ്ടമോ വരുന്നത് അനുവിന് അല്ലെങ്കില്‍ ബിനുവിന്. അതിന് അടി കൊള്ളുന്നതും പട്ടി എന്ന വിളി കേള്‍ക്കുന്നതും ഞാന്‍.

എനിക്കെന്താണു ലാഭം?

*** *** *** ***